Nang leh nang zong ki it ki khual zel in.

Mihing i hih nak a leh hong paakta a om mah bang in,
hong mudah zong om ding hi.
Hong haza zong om ding hi.
Hong neumuh zong om ding hi.
Tua te pen leitung ngeina khat hi lel hi.

Na hoih tampi sem in,
nakpi in hanciam in na suplawhna a om phial zong in,
Mikhempeuh lungkimna ding in bangmah na sem zo tuan kei ding hi.
Tua a hih man in mite pahtaak ding ut in nangmah nangawn ki khuallo in om kha kei in.

Theih ding khat ah mite' kam pan a pusuak khia
"Nang pen hoihlua teh a hi zong in,
hoihkei lua teh a hi zong in" tua dan ong ki ci te pen
nang i hihna maan hi lo hi.

Mihing cih pen
Mit i neih tek hang in muhdan ki banglo hi.
Bil i neih tek hang in  zakdan ki bang lo hi.
Kam i neih tek hang in gendan ki bang lo hi.
Khuak i neih tek hang in ngaihsut dan ki bang lo hi.
Mihing i hih tek hang in nuntak khuasak zia ki bang lo hi.

Tua a hih ciang in
Na pil na siam mah2 zong in hong telsiam khat tawh na ki tuah ciang bek in.......
Piakkhiatna tampi na pia zong in a lungdam thei te tawh na ki tuah ciang bek in.....
Na thumaan mah2 phial a hi zong in muanmawhna lungsim tawm a neite tawh na ki tuah ciang bek in....
Na ki niamkhiat  mah2 hang in mithupi sim thei te bek tawh na ki tuah ciang bek in.....

A tawpna ah
Na theih khempeuh gen khin kei in la.
Na muh khem peuh um khin kei in.
Bangzah takin mite na it na khual phial a hi zong in,
Nang leh nang zong ki it ki khual zel in.